Претседателката на Комората за приватно обезбедување м-р Верица Милеска Стефановска, генералната секретарка м-р Сања Керметчиева, претседателот на Комисијата за контрола и надзор при Министерството за внатрешни работи Горанче Савовски и началникот на СВР Скопје Сашо Топаловски присуствуваа на меѓународната конференција „Приватна заштита 2026“ што се одржа на 26.03.2026 год, во Загреб во организација на Хрватскиот цех на заштитари. Претседателот на Комисијата за надзор при Министерството за внатрешни работи Горанче Савовски, учествуваше во панел-дискусијата на тема: „Индустријата за приватно обезбедување во системот на национална безбедност“, кога беше истакната неопходноста од интеграција и синергија помеѓу приватниот и јавниот сектор во зачувувањето на приватната безбедност и заштита на лицата и имотот во општеството.
